Kreu i Partisë Demokratike, Sali Berisha, mbajti këtë të hënë një konferencë me gazetarët, ku foli në lidhje me procesin e primareve që pritet të nisë në PD dhe nga ku do të dalin kandidatët e kësaj force politike për zgjedhjet e 11 majit. Berisha u pyet nëse drejtuesit politikë të qarqeve do të jenë automatikisht pjesë e listave të demokratëve, apo nëse do t’u duhet të jandidojnë në primare.
Kryedemokrati tha se ai nuk do të ndikojë në këtë proces dhe se çdo vendim do të bazohet në statutin e partisë. Sipas tij është në tagrin e Këshillit Kombëtar të marrë vendime nëse drejtuesit politikë të qarqeve do të jenë pjesë e listës së kandidatëve për deputetë më 11 maj. Ai shtoi se Këshilli Kombëtar pritet të shqyrtojë propozime të ndryshme mbi mënyrën e zhvillimit të primareve.
“Së pari, nuk po orientoj asgjë sepse statuti është statut dhe unë nuk kam tagër që të tejkaloj statutin.
