Politologu Ilir Kalemaj, i ftuar në një studio televizive, tha se nëse shtyhet koha e zhvillimit të primareve brenda PD-së mund të krijohet pakënaqësi që do të jenë të vështira për t’u ndrequr.
“Mbetet pikëpyetja a do të ketë primare apo jo? Sepse edhe koha po ikën me shpejtësi. Dekreti për zgjedhjet është deri në datën 6 dhjetor, zgjedhjet me shumë mundësi do të jenë javën e parë ose të dytë të majit.
Nga indiciet që kemi, publike dhe jo private është që për efekt të KQZ-së, deklaratave që ajo ka bo për votën e diasporës, që duhet një hapësirë kohore deri në 50 ditë, për arsye të Kodit Zgjedhor, për arsye të datës së zgjedhjeve. Edhe nëse lihet data 11 maj, Presidenti noterizon kërkesën e të vetmit subjekt politik që ka kërkuar 11 majin, të gjithë të tjerët majtas dhe djathtas kanë kërkuar ose një datë më parë, datën 4 maj ose javën e fundit të prillit.
Edhe në këtë skenar, serish kohë nuk ka. Për ta materializuar. Çështja e primareve nëse shtyhet afër fundit të vitit aktual që ne jemi mund të krijojë ato pakënaqësi që mund të jenë të vështira për t’u ndrequr. Flas politikisht.”
