Ish-deputeti Luan Baçi është paraqitur sot në Prokurorinë e Posaçme (SPAK) për t’u marrë në pyetje në lidhje me një çështje që, sipas tij, është mbyllur më herët. Pas daljes nga prokuroria, Baçi ka sqaruar për mediat se ishte thirrur për t’u pyetur lidhur me një akuzë që, sipas tij, është rikallëzuar.
“Shkova për një çështje të cilën e kemi përfunduar një herë, por duket se ka pasur një rikallëzim nga ana e palëve të tjera,” deklaroi Baçi. Ai nuk dha detaje të mëtejshme për natyrën e çështjes apo për akuzat specifike, duke theksuar se do të respektojë procedurat e drejtësisë dhe do të bashkëpunojë plotësisht me organet hetimore.
