Një grup deputetësh të opozitës janë parë sot teksa kanë dalë nga pallati ku jeton ish-kryeministri Sali Berisha, në arrest shtëpie prej 30 Dhjetorit 2023 dhe i marrë i pandehur tashmë nga SPAK për “korrupsion pasiv” në lidhje me dosjen “Partizani”.
Grupi i Partisë Demokratike është parë teksa dilnin nga godina, kurse makinat ishin të parkuara në rrugicë. Mes atyre që u panë ishin kreu i grupit Gazment Bardhi, deputetët Flamur Noka dhe Edi Paloka, Agron Gjekmarkaj, Agron Gjekmarkaj dhe Luçiano Boçi.
Takimi i tyre qartazi është bërë pas zhvillimeve më të fundit dhe dënimit me 1 vit burgim të deputetit Ervin Salianji, teksa Apeli i Tiranës la në fuqi vendimin e shkallës së parë, për kallëzim të rremë, në lidhje me dosjen “Babale”.
Sipas Kodit të Procedurës Penale takimi i një personi nën arrest shtëpiak me persona të tjerë është i ndaluar pa lejen e Prokurorisë dhe Gjykatës. Kjo nuk është hera e parë që Berisha e thyen urdhrin e SPAK dhe GJKKO, teka edhe më parë ka marrë takime me përfaqësues të tjerë, përfshi edhe të huaj, por asnjëherë nuk është proceduar për këto shkelje shtesë.
