Ish-kryeministri Sali Berisha ishte diten e sotme ne SPAK, pasi u mor zyrtarisht i pandehur per aferen ‘Partizani’. Por, cfare pritet te ndodh tani me Berishen?
Kete e ka sqaruar avokati Idajet Beqiri diten e sotme, ne nje lidhje skype per emisionin ‘Sot Live ne Shqiperi’, ku tha se Berisha rrezikon nga 2 deri ne 8 vite burg nese ai shpallet fajtor
“Kanë përfunduar hetimet dhe sot i është komunikuar akuza dhe pas kësaj merresh i pandehur, njihesh me aktet e dosjet me 500 faqe, i jepet dosja të pandehurit dhe avokatëve të tij dhe ai ka të drejtë që të bëjë deklarimet e veta dhe të jap shpjegime dhe të thotë nëse e pranon ose nuk e pranon. Çështja do të merret nga gjyqtari i seancës paraprake, i cili do ta dërgoj për gjykim, kur dosja është e kopsitur dhe ai duhet që të ndëshkohet me bashkëpuntorët e tij, ose gjyqtari mund të thotë se hetimet nuk janë të plota, por duhen plotësuar ose ai mund të vendos pushimin e çështjes, sepse mund të thotë nuk përbënë vepër penale. Por, nga përmbajtja e dosjes është një çështje konkrete dhe në atë dosje të gjithë ata që ishin jurist thanë se ai rrezikon që të dënohet nga 2 deri në 8 vite burg”, tha ai.
Beqiri tha se nje tjeter dosje per te cilin mund te merret i pandehur Berisha, eshte edhe fondacioni i bashkeshortes se tij Liri Berisha ‘Femijet Shqiptare’, pasi SPAK ka nisur hetimin pasuror per kete fondacion.
“Fondacioni i Liri Berishës është dosje më vete, ku do të merret i pandehur edhe Berisha, gruaja, vajza e tij. Berisha thoshte do futet në burg Taçi se ka bërë korrupsion dhe Taçi përveç miliona euro që i dha familjes së Berishës vetëm një pikturë i asaj 100 mijë euro dhe që pruri ekipin e Milanit në Shqipëri dhe ca u fitua ja dha Liri Berishës dhe ajo këto si ka deklaruar”, tha ai.
Avokati Beqiri përmendi edhe çështje të tjera për të cilat akuzohet Berisha, përveç aferës së Kompleksit ‘Partizani’
“Ky kjo është faqja e parë e librit voluminoz, sot atij SPAK i tha ardhç me këmbën e mbarë, për çështjet e tjera. Ai tërhoqi këmbën zvarrë edhe për familjen e vet, është djali tij Shkëlzeni, vajza dhe bashkëshortja e tij që janë të mbytur në krime dhe korrupsion. Është njeriu me rekorde kriminale në këtë vend. Ndaj tij kanë filluar që të ngrihen akuza të tjera për çështje të tjera. Gërdeci është në proces dhe ai do të merret për të dëshmuar. Për CEZ -DIA do të jap llogari para shqiptarëve. Për 4 vrasjet e 21 janarit, por edhe për të tjerë persona që u plagosën atje. Nga privatizimi i Albpetrol, fonadacioni i Lirisë që është një krim makabër, për vjedhje masive dhe gjobëvënie masive. Ai do merret i pandehur edhe për 21 janarin, unë e them këtë edhe duke parë si po ecën hetimi. Dhe them se do të merret para se të marr dënimin për kompleksin ‘Partizani’, pra do ta ketë edhe një akuzë tjetër për 21 janarin”, tha ai.
