Kompania Wizz Air ka lënë ditën e sotme rreth 100 pasagjerësh shqiptarë që do të udhëtonin me linjë direkte nga Pranga për në Tiranë.
Qytetarë të shumtë kanë telefonuar pranë redaksisë se Panorama.al për të denoncuar ‘braktisjen’ që u është bërë në Pragë nga Wizz Air
Siç shuhet nga pamjet qytetaret kanë mbetur të bllokuar në zonën e imbarkimit, ndërkohë që avioni sipas dëshmitarëve është nisur, duke mos marre ne bord pasagjerët që kishin paguar biletat
Juliani një prej pasagjerëve sqaron për Panorama.al kalvarin e pritjes që i ka shoqëruar ditën e sotme.
“Jam nga grupi i shqiptarëve që ka mbetur në Pragë. Wizz Air ka pasur një udhëtim direkt të programuar në orën 2, e ka shtyrë 3 herë brenda ditës. Nga ora 14:00 e çoi në 17:00, nga 17:00 e çoi në 18:30 pastaj e çoi në 19:10 dhe më pas në kohën kur ne ishim dukë u bërë gati, duke imbarkuar, mbyllin derën dhe ikën avioni me 1/3 e pasagjerëve. Te gjithë tjerët jemi këtu, mbi 150 veta.
Tani po shkojmë për të vulosur pasaportat për të dalë nga zona e imbarkimit, që të na japin edhe një shpjegim më të detajuar. Kjo gjëja nuk ka as shpjegim kjo gjëja.
Uroj që Wizz Air sensibilizohet dhe nesër mund të sjellë një avion të na sjellë në Tiranë” tha një prej pasagjerëve i pyetur nga PanoramA
