Deputeti i Partia Demokratike e Shqipërisë, Luan Baçi, e ka cilësuar procesin për zgjedhjen e kryetarit të ri të partisë si një etapë të rëndësishme në rinovimin e saj politik.
Gjatë një interviste televizive, Baçi u shpreh se ky proces nuk është i izoluar, por pjesë e një reformimi më të gjerë që ka nisur që me zgjedhjet për drejtuesit e degëve dhe që do të vijojë edhe në strukturat e tjera të partisë.
Sipas tij, një nga elementët kryesorë të këtij procesi është transparenca. Ai theksoi se aktiviteti dhe vendimmarrja e PD-së në këto zgjedhje po zhvillohen në mënyrë të hapur dhe të dukshme për publikun, duke e konsideruar këtë si një standard që e dallon nga partitë e tjera në vend.
Baçi shtoi se zgjedhjet për kryetarin, të cilat zhvillohen çdo katër vite, përbëjnë një moment reflektimi për forcën politike, ku analizohen edhe problematikat e hasura në zgjedhjet e fundit dhe mënyrat për t’i korrigjuar ato në të ardhmen.
Në këtë kuadër, ai theksoi se procesi i rinovimit do të jetë i gjatë dhe do të përfshijë përmirësime të vazhdueshme në funksionimin dhe organizimin e partisë, me synim forcimin e saj politik dhe rritjen e besimit te qytetarët.
