Një moment i veçantë është shënuar gjatë protestës së zhvilluar në Tiranë, ku një vogëlush tërhoqi vëmendjen e pjesëmarrësve dhe mediave me pankartën e përgatitur prej tij.
Në pankartë shkruhej: “Jeni tërbuar si qentë Dingo, do t’ju hanë kokën këta flamingo.”
I pyetur nga gazetarët, i mituri tregoi se pankartën e kishte realizuar vetë dhe se është nxënës i klasës së gjashtë.
“Pankartën e kam bërë vetë, jam në klasën e gjashtë. Mesazhi: Mos u dorëhiqni kurrë”, u shpreh ai.
Prania e familjeve dhe e të rinjve ka qenë një nga elementët e dukshëm të protestës së kësaj të shtune në Tiranë, ku qytetarët janë mbledhur për të shprehur qëndrimet dhe kërkesat e tyre.
