Një vjedhje është konstatuar në ambientet e shkollës “Besëlidhja” në qytetin e Lezhës.
Sipas informacioneve paraprake, persona ende të paidentifikuar dyshohet se kanë hyrë në godinën e shkollës dhe kanë marrë disa kompjuterë.
Ngjarja është zbuluar vetëm pak më parë, ndërsa autoritetet pritet të verifikojnë kamerat e sigurisë për të bërë të mundur identifikimin e autorëve.
Për rastin është njoftuar policia, e cila ka nisur veprimet hetimore për të zbardhur rrethanat e ngjarjes dhe për të identifikuar personat e përfshirë në vjedhje.
