Ministri i Brendshëm, Taulant Balla ka publikuar pamjet e operacionit të SPAK, ku deri tani janë lëshuar rreth 50 urdhër arreste.
Me anë të një postimi në rrjetet sociale, ministri thekson se lufta kundër krimit të organizuar është e pandalshme dhe po jep rezultate.
Ministri Balla: Lufta kundër krimit të organizuar falë bashkëpunimit me SPAK dhe agjencitë e tjera ligjzbatuese, si dhe vetëpastrimi i Policisë së Shtetit nga punonjësit e Policisë të lidhur me ta, janë të pandalshme dhe po japin rezultate për rritjen e parametrave të sigurisë në komunitet, krijimin e një trupe policore të denjë dhe me integritet si dhe për rritjen e besimit të qytetarëve tek Policia e Shtetit. Besimi i qytetarëve është elementi kyç që Policia të përmbushë misionin e saj.
