Një protestë për ndalimin e monopatinave është zhvilluar sot para godinës së Policisë së Shtetit. Qytetarët që protestuan janë shprehur kundër urdhrit të ministres së Brendshme, Albana Koçiut, për ndalimin e lëvizjes me monopatina.
“Si mundet ministrja me një deklaratë në ‘Facebook’ të ndërpresë punën e disa bizneseve që merren me shitjen apo riparimin e skuterave. Praktikisht këto biznese kanë falimentuar. Kemi përballë disa gjëra që nuk kanë lidhje apo argument logjik dhe asnjë bazë ligjore. Problemi i përdorimit të skuterave nga të rinjtë apo personat e papërgjegjshëm është problematik, por shteti duhet të veprojë me bazë ligjore dhe rregulla”, tha një nga qytetaret për mediat.
Kujtojmë se qindra monopatina elektrike janë sekuestruar që nga e hëna, dita në të cilën ka hyrë në fuqi urdhri i ministres së Brendshme, Albana Koçiu.
