Presidenti i SHBA-së, Donald Trump, ka reaguar ashpër pas raportimeve për vdekjen e udhëheqësit suprem të Iranit, Ajatollah Ali Khamenei, duke bërë deklarata të forta gjatë një interviste televizive.
“E kapa atë para se ai të më kapë mua. Ata u përpoqën dy herë të më vrisnin. Epo, e kapa atë i pari,” u shpreh Trump, duke pretenduar se ndaj tij kishte pasur tentativa atentati nga elementë të lidhur me Teheranin.
Ai nuk dha detaje konkrete mbi këto pretendime, por theksoi se administrata e tij kishte vepruar me vendosmëri për të mbrojtur interesat amerikane. Deklaratat vijnë në një moment tensionesh të larta në Lindjen e Mesme, pas përshkallëzimit të përplasjeve mes Iranit dhe aleatëve perëndimorë.
Vdekja e Khameneit konsiderohet një zhvillim me ndikim të madh për Iranin, duke hapur një kapitull të ri në politikën e brendshme dhe në marrëdhëniet ndërkombëtare të vendit. Situata mbetet e tensionuar, ndërsa komuniteti ndërkombëtar po ndjek nga afër zhvillimet dhe bën thirrje për përmbajtje.
