Policia Kufitare ka ndaluar një 54-vjeçar me iniciale Sh. B. në pikën e shkëmbimit kufitar, teksa përpiqej të nxirrte nga vendi rreth **48,400 euro** të padeklaruara.
Kontrolli ka zbulur shifrën brenda një çante dhe menjëherë u sekuestrua nga efektivët. Sipas raportimeve, shtetasi i ndaluar është banues në Lazarat të Gjirokastrës.
Rasti u referua në gjendje të lirë në Prokurorinë pranë Gjykatës së Shkallës së Parë në Gjirokastër, për veprën penale “Mosdeklarimi në kufi i të hollave dhe sendeve me vlerë”.
Operacioni është pjesë e strategjisë së Policisë Kufitare dhe strukturave ligjzbatuese për të goditur rastet e fshehjes së parave dhe trafikimit ndërkombëtar pa dokumentacion adekuat.
