Ish-zëvendëskryeministri Arben Ahmetaj ka bërë akuza të ashpra ndaj qeverisë, duke kritikuar shpenzimet e mëdha dhe të dyshimta në projektet publike. Në një deklaratë të tij, Ahmetaj tha se tuneli i Llogarasë përfaqëson një nga plaçkitjet më të mëdha financiare në historinë e Shqipërisë, duke ngritur pyetje të forta për transparencën e fondeve.
“Vazhdon të mbajë rekord në historinë e Shqipërisë. E ka çuar me 11 miliardë nivelin e tenderave,” tha Ahmetaj, duke iu referuar qeverisë.
Ahmetaj theksoi se fondet e shpenzuara për tunelin e Llogarasë janë të barasvlershme me koston e dy inceneratorëve, atë të Fierit dhe të Elbasanit, si dhe me ndërtimin e 15 shkollave të mëdha.
