Ndërsa hetimet e SPAK për inceneratorin e Tiranës nuk përfundojnë kurrë dhe janë copëzuar në dhjetra fraksione, duket se zhvillime intensive ka dhe në krahun administrativ. Brenda një periudhe më pak se një muaj, drejtoresha e Agjencisë së Administrimit të Pasurive të Sekuestruara ka nxjerrë dy urdhra që ndryshojnë menaxhimin e inceneratorit të sekuestruar.
Fillimisht, Xhaja e sapoemëruar kufizoi kompetencat e administratorit të caktuar nga shteti Arjan Baci, duke i lënë atij vetëm përgjegjësinë e marrëdhënieve me prokurorinë. Ndërsa për drejtimin e përditshëm të kompanisë, Xhaja emëroi një administrator të dytë, ish drejtorin e tatimeve në Elbasan, Indrit Karaj.
