Një operacion i forcave të Renea në Tiranë u finalizua me arrestimin e dy vëllezërve që ishin shpallur në kërkim. Aksioni u zhvillua sot në orët e mëngjesit pranë Kompleksit Delijorgji, ku policia lokalizoi dy të dyshuarit dhe i prangos pa rezistencë të madhe.
Sipas raportimeve paraprake, autoritetet kishin informacion të saktë për vendndodhjen e tyre. Vëllezërit dyshohet se ishin të përfshirë në aktivitete kriminale të lidhura me plagosje dhe përveç prangosjes, i është bërë kontroll banesës së tyre, ku ishin gjetur disa sende që mund të përdoren si prova.
Arrestimi vjen pas një kohe kërkimi intensiv nga ana e RENEA-s, krahas dëgjimeve, provave të sigurta dhe konfirmimit të identitetit nga banorët e zonës. Tani, të arrestuarit do të përballen me akuzat për veprime penale dhe pritet që ata të paraqiten në gjykatë gjatë ditëve në vijim.
