I ftuar në një intervistë televizive, analisti Ergys Mërtiri diskutoi aksionin e opozitës në dyert e Kuvendit, përballë Gardës dhe FNSH-së. Ai theksoi se “largimi i Sali Berishës është e vetmja mënyrë për të larguar Edi Ramën nga pushteti.”
Mërtiri shmangu të komentonte nëse polici që u përplas me Luan Baçin kishte apo jo pistoletë, duke thënë: “Mua më intereson çfarë bëjnë aktorët politikë. Policia jep përgjigje para ligjit. Nuk merrem këtu nëse kishte apo nuk kishte pistoletë.” Ai e cilësoi si “turp” diskutimin rreth armëve, duke theksuar se opozita duhet të përqendrohet më shumë në strategjitë e saj politike.
Analisti theksoi se situata aktuale e opozitës është e ndërlikuar dhe se “Edi Rama jeton në pushtet për shkak të Berishës dhe shpurës së tij, që bëhen qepaza në parlament për një karrige si deputet.”
