Në Serbi janë duke u zhvilluar protestat më të mëdha studentore që nga koha e Sllobodan Millosheviçit, dhe redaktori i portalit Nova.rs Ratko Femiç tha për HRT se Aleksandër Vuçiç po shfaq shenja frike për herë të parë. Studentët kanë protestuar edhe mbrëmë para RTS-së në Beograd dhe kanë kërkuar që të bëhen publike të gjitha dokumentet që kanë të bëjnë me rindërtimin e tendës në Novi Sad, nga shembja e së cilës humbën jetën 15 persona. Tubimet e studentëve në rrugët dhe sheshet e Beogradit u kthyen në rebelim të hapur kundër presidentit dhe politikave të tij. “Protestat aktuale në Serbi janë të ndryshme në krahasim me ato të mëparshme. Më parë ishte e vështirë të motivoheshin të rinjtë, të cilët atëherë nuk e shihnin interesin e tyre. Tani janë organizuar dhe këto janë protestat më të mëdha studentore që nga koha e Sllobodan Millosheviçit”, pohon Femiq.
Frika e Vuçiçit
Femiç tha se politikanët janë në prapavijë, ndërsa opozita po proteston veçmas nga studentët, sepse studentët këmbëngulën se protestat e tyre nuk janë të politizuara dhe se nuk ka përfaqësues të partive opozitare. “Fjalimi i Vuçiçit drejtuar kombit dukej sikur ai vetë u largua nga konferenca e tij për shtyp. Dimë se fjalimet e tij janë më të shkurtra se 20 minuta. Dhe në transmetimin e drejtpërdrejtë në televizion dëgjohej zhurma që bënin studentët, prandaj Vuçiç e ndërpreu fjalimin e tij”, tha Femiç. Ai pretendon se Vuçiq i ka përmbushur pjesërisht kërkesat e studentëve dhe ka treguar gatishmërinë e tij për të “hequr topin” dhe “ndoshta për herë të parë ka shfaqur një lloj frike”. Me shpresën për të “ndaluar shumëfishimin e demonstratave” në Serbi që kur tenda e stacionit hekurudhor në Novi Sad u shemb më 1 nëntor dhe vrau 15 njerëz, presidenti i vendit, premtoi të publikojë të gjitha dokumentet në lidhje me rindërtimin E asaj ndërtese, shkruan Agence France-Presse (AFP).
Revolta e studentëve
Duke komentuar deklaratën e Vuçiçit se studentët janë mercenarë, Femiç tha se “një narrativë e tillë nuk është e djeshme” dhe se përfaqësuesit e opozitës quhen edhe mercenarë të huaj, shkruan HRT . “Në vitet nëntëdhjetë kishim një rrëfim që ata që kritikojnë qeverinë dhe që protestojnë kundër saj merrnin para nga shërbimet e huaja. Kjo nuk është për t’u habitur, por ka provokuar studentët”, tha ai. Ai shtoi se Vuçiç realisht nuk i ka përmbushur të gjitha kërkesat e studentëve në lidhje me ndjekjen penale të të gjithë të përfshirëve në rënien e tendës dhe se ata që rrahën studentët në rrugë duhet të dënohen. Ai beson se në rrugët e Beogradit ishin 10 mijë protestues sepse studentëve iu bashkuan edhe qytetarët. Për protesta kanë bërë thirrje edhe Oda e Avokatëve dhe “shoqatat e fermerëve. “Grupi i protestave po rritet gjithnjë e më shumë. Protestat nuk do të ndalen dhe do të jenë edhe më masive sot. Do të shohim se çfarë presioni do të rezultojë”, përfundoi Femiq.
Mbështetja nga Perëndimi
Ai tha se Aleksandër Vuçiç shpesh flet për mbështetjen që gëzon nga Rusia dhe Perëndimi, por nuk është i sigurt se sa mund të ndihmojë ajo narrativë në këtë rast. “Kur vlon diku në vend – mbështetja ndërkombëtare nuk ndihmon shumë”, beson Femiç. Madje ai beson se nuk mund të quhet as mbështetje. “Nuk besoj se do të fusin dorën në zjarr për Vuçiçin, nëse populli nuk e do atë”, pohoi ai. Që nga fillimi i valës së protestave, “disa studentë janë arrestuar apo plagosur dhe shoferët kanë goditur anëtarët e orkestrës kombëtare që kanë ardhur për t’i mbështetur me makinat e tyre”, shkruan agjencia dhe vlerëson se studentët, “si dhe mijëra demonstruesit që kanë marshuar që nga 1 nëntori në stacionet e kolapsit shohin pasojat e korrupsionit që sipas tyre po rrënon vendin”. Agjencia franceze AFP rikujton se, sipas renditjes së organizatës joqeveritare Transparency International, Serbia ka arritur në vendin e 104-të në listën prej 180 shtetesh dhe se po përjeton një “rënie demokratike”.
