Presidenti i Këshilli Europian, Antonio Costa, do të zhvillojë një vizitë zyrtare në Tiranë më 2 qershor, në kuadër të turit të tij në vendet e Ballkanit Perëndimor para Samitit BE–Ballkani Perëndimor.
Costa pritet të takohet me kryeministrin Edi Rama, ndërsa në fokus të diskutimeve do të jenë procesi i integrimit europian të Shqipërisë, politika e zgjerimit të Bashkimit Europian dhe bashkëpunimi rajonal.
Vizita zhvillohet vetëm pak ditë para samitit BE–Ballkani Perëndimor që do të mbahet më 5 qershor në Tivat, një takim që konsiderohet me rëndësi të veçantë për rajonin.
Samiti do të organizohet për herë të parë në Mal i Zi, vend që së bashku me Shqipëri konsiderohet ndër shtetet më të avancuara në procesin e zgjerimit të Bashkimit Europian.
Sipas agjendës paraprake, samiti do të ketë dy sesione kryesore: një takim plenar dhe një drekë pune mes liderëve europianë dhe atyre të Ballkanit Perëndimor.
Në takimin plenar pritet të diskutohet progresi i vendeve të rajonit në afrimin me Bashkimin Europian, zbatimi i Axhendës së Rritjes dhe forcimi i stabilitetit rajonal, lidhshmërisë dhe qëndrueshmërisë ekonomike.
Ndërkohë, dreka e punës do të fokusohet te politika e zgjerimit të BE-së, sfidat që lidhen me reformat dhe mundësitë për përshpejtimin e procesit të integrimit europian.
Vizita e Antonio Costa në Tiranë vjen në një moment të rëndësishëm për Shqipërinë, pas miratimit të raportit IBAR dhe avancimit të negociatave me Bashkimin Europian.
