Papa Françesku ka dërguar një mesazh mirënjohjeje për besimtarët që po luten për shëndetin e tij, ndërsa vijon trajtimin në spitalin Gemelli në Romë për shkak të pneumonisë.
Në një audio-regjistrim të publikuar nga shtypi i Vatikanit, Ati i Shenjtë, i cili ndodhet prej 21 ditësh në spital, shprehu falënderimet e tij për lutjet dhe solidaritetin e besimtarëve.
“Ju falënderoj me gjithë zemër për lutjet që bëni për shëndetin tim nga Sheshi i Shën Pjetrit. Ju ndjek nga këtu. Zoti ju bekoftë dhe Nëna e Shenjtë ju ruajt. Faleminderit!” – tha Papa në mesazhin e regjistruar në gjuhën spanjolle.
