Një person është plagosur me thikë pasditen e kësaj të shtune (12 tetor) në Tiranë.
Mësohet se ngjarja ka ndodhur në rrugën ‘4 Dëshmorët’, ndërsa ambulanca ka mbërritur në vendngjarje dhe e ka transportuar në spital.
Autori i dyshuar është shoqëruar në komisariat për veprime të mëtejshme.
Policia dhe grupi hetimor gjithashtu janë në vendngjarje dhe kanë nisur punën për zbardhjen e rrethanave të asaj që ka ndodhur.
Njoftimi i policisë:
Më datë 12.10.2024, rreth orës 18:00, në rrugën “4 Dëshmorët”, shtetasi E. Xh., rreth 40 vjeç, dyshohet se pas një konflikti të çastit ka goditur me mjet prerës shtetasin A. D., 60 vjeç.
60-vjeçari si pasojë është dëmtuar dhe ndodhet në spital në kujdesin e mjekëve, ndërsa autori i dyshuar është shoqëruar në komisariat për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të ngjarjes.
