Procesi i votimit për zgjedhjen e kryetarit të ri të degës së Partisë Demokratike në Elbasan ka përfunduar pas një dite votimi të qetë.
Sipas deklaratës së kreut të komanduar të degës, Gani Cani, në votim morën pjesë 1208 anëtarë me të drejtë vote. Procesi nisi në orën 08:00 dhe u mbyll në orën 18:00, pa incidente të raportuara.
Pas mbylljes së votimit, komisioni ka nisur menjëherë numërimin e votave për të përcaktuar fituesin.
Kandidatët në garë
Në garë për drejtimin e degës së PD në Elbasan janë pesë kandidatë:
- Durim Çekrezi, aktualisht drejtues i komanduar i degës
- Elior Vila, pedagog
- Lumturi Hasa, mjeke dhe ish-kandidate për deputete
- Sokol Shkëlzeni, me eksperiencë të gjatë në strukturat e PD-së
- Alis Narazani, përfaqësues i një brezi më të ri politik
Ky proces konsiderohet i rëndësishëm për organizimin dhe drejtimin e mëtejshëm të Partisë Demokratike në Elbasan.
Rezultati përfundimtar pritet të shpallet pas përfundimit të numërimit të votave.
