Kryeministri Edi Rama ka deklaruar se është kryer një transferim i rëndësishëm financiar në mbështetje të sistemit të pensioneve, duke dhënë një sinjal pozitiv për të moshuarit.
Në rubrikën “Shënimet e Javës” në podkastin “Flasim”, Rama bëri të ditur se fondet e kursyera buxhetore të vitit 2025 janë depozituar në Fondin e Veçantë të Pensioneve pranë Bankës së Shqipërisë, në një shumë prej 167 milionë euro.
Sipas tij, ky transferim rrit kapacitetin e sistemit për të përballuar detyrimet aktuale ndaj pensionistëve, si dhe garanton qëndrueshmërinë afatgjatë të skemës së pensioneve.
Rama theksoi se fondi do të shërbejë si bazë për realizimin e zotimeve të marra ndaj pensionistëve, përfshirë edhe rritjen e premtuar të pagesave mujore.
