Pas shoqërimit të disa protestuesve gjatë tensioneve të regjistruara në protestën para Kuvendit, një grup qytetarësh është mbledhur përpara Drejtorisë Vendore të Policisë së Tiranës.
Protestuesit kanë kërkuar lirimin e të shoqëruarve dhe gjatë tubimit kanë artikuluar thirrje kundër kryeministrit Edi Rama dhe ish-zëvendëskryeministres Belinda Balluku, duke kërkuar hetimin dhe arrestimin e tyre.
Sipas raportimeve nga vendngjarja, në ambientet e Drejtorisë së Policisë kanë mbërritur edhe deputetët Agron Shehaj dhe Erald Kapri.
Shoqërimet u kryen pas incidenteve të ndodhura gjatë protestës para Kuvendit, ku u regjistruan përplasje mes protestuesve dhe forcave të rendit, si edhe goditje me vezë ndaj disa automjeteve të deputetëve.
