Paralajmërimi i analistit Meçe: Gjin Gjoni do të përballet me SPAK, PD është ‘një sekt’, nuk ka asnjë proces zgjedhor

Analisti Arben Meçe, gjatë një interviste televizive ka komentuar zgjedhjen e Gjin Gjonit, si drejtues i Rithemelimit për qarkun e Lezhës. Meçe shprehet se Partia Demokratike është vetëm një parti sekt, ku emërohesh dhe se nuk ka procese zgjedhore. Ku ndër të tjera Meçe nënvizon se zgjedhja e Gjin Gjonit në Lezhë, tregon se gjithçka në Partinë Demokratike dirigjohet nga ish-kryeministri, Sali Berisha. Analisti bëri dhe paralajmërimin e ‘bujshëm’ ku edhe pse Berisha e ka sfiduar hapur drejtësinë duke zgjedhur një kandidat i cili iu shmang ‘vettingut’ pasi nuk justifikonte pasurinë e miliona parave sëbashku me bashkëshorten, Elona Çaushi, i plas ‘bombën’ Rithemelimit, ku thotë se Gjin Gjoni do të përballet me SPAK-un. “Kandidimi i tij në Lezhë lidhet me faktin që atë parti e ka drejtuar Berisha dhe vazhdon ta komandojë Berisha. Tani e ka tërhequr në katin e tetë të pallatit të tij. Ne e kemi të qartë që dirigjimin e asaj partie e bën Berisha dhe kanë vetëm një mesazh, pra mesazhin e Berishës. Gjin Gjoni është pasqyra më e qartë e të djeshmes e sistemit ligjor. Është një sfidë e plotë që Berisha po i bën sistemit të drejtësisë. PD ka shpallur që nuk e njeh Vettingun, SPAK-un, sistemin e tanishëm të drejtësisë dhe në këtë mënyrë i kundërvihet sistemit të drejtësisë. Pra një person tashmë i përjashtuar nga sistemi i drejtësisë, i vendoset ballë për ballë në një pozicion politik. Është rasti i parti ku kryetari i partisë i një zone lokale delegohet nga Tirana, dhe kjo tregon se në çfarë gjendje është. Kjo gjë ndodh vetëm kur jemi në kushte të jashtëzakonshme”, theksoi më tej Meçe.