Kryetari i Partisë Demokratike, Sali Berisha, ka njoftuar zyrtarisht protestën e radhës së opozitës, e cila do të zhvillohet më 10 shkurt, në orën 17:00, duke ftuar qytetarët nga e gjithë Shqipëria t’i bashkohen tubimit.
Në një deklaratë për mediat, Berisha u shpreh se revolta qytetare është, sipas tij, e vetmja rrugë për të përballur padrejtësinë, vjedhjen dhe mjerimin që ka prodhuar qeverisja aktuale. Ai theksoi se fjala, guximi dhe qëndrimi i qytetarëve janë vendimtare për ndryshimin politik.
Berisha akuzoi kryeministrin Edi Rama për arrogancë dhe sfidim të qytetarëve, duke deklaruar se në vend të dorëheqjes, ai vijon të shëtisë dhe të provokojë publikun, ndërsa drejtësia, sipas tij, nuk vepron njësoj për të gjithë. Sipas kreut të opozitës, pushteti aktual funksionon si një organizatë e mbyllur që mbron vetëm interesat e veta.
Ai theksoi se vetëm sovrani, përmes protestës dhe reagimit qytetar, mund të detyrojë largimin e qeverisë dhe të hapë rrugën për një qeveri teknike dhe zgjedhje të ndershme. Berisha e cilësoi protestën si vazhdimësi të mobilizimit opozitar dhe ftoi veçanërisht të rinjtë, gratë dhe burrat
