Deputetët e Kosovës do të mblidhen sot për herë të 30-të në përpjekje për konstituimin e Kuvendit, ndërkohë që procesi ka ngecur në pikën e zgjedhjes së kryetarit të tij.
Partitë politike mbeten të ngurta në qëndrimet e tyre. Lëvizja Vetëvendosje vijon të këmbëngulë në kandidaturën e Albulena Haxhiut për kryetare të Kuvendit, ndërsa PDK, LDK dhe AAK kanë ripërsëritur se nuk do ta mbështesin atë.
