Janë publikuar emrat e 33 të burgosurve që janë transferuar nga Burgu i Durrësit drejt burgjeve të sigurisë së lartë në Fier dhe Peqin, me urdhër të Ministrisë së Drejtësisë. Mes tyre ndodhen edhe emra të njohur të botës së krimit, si Lulzim Berisha dhe Astrit Avdyli, të konsideruar si persona me rrezikshmëri të lartë shoqërore.
Vendimi për transferimin u mor pas arratisjes së të paraburgosurit Altin Ndoci nga Spitali i Durrësit, një ngjarje që ngriti shqetësime serioze mbi sigurinë në sistemin penitenciar. Burime zyrtare sqarojnë se ky operacion nuk ka lidhje me zyrtarë apo persona të arrestuar për korrupsion, por vetëm me të dënuar ose të paraburgosur të profilit të lartë kriminal.
Pas ngjarjes, Drejtoria e Përgjithshme e Burgjeve pezulloi nga detyra 12 zyrtarë, përfshirë drejtues të institucionit, shefa policie dhe përfaqësues të shërbimit shëndetësor. Gjithashtu, drejtori i paraburgimit të Durrësit u shkarkua nga detyra me urdhër të Ministrit të Drejtësisë.
Sipas sqarimit zyrtar, Altin Ndoci ishte dërguar për trajtim mjekësor dhe gjatë shoqërimit nga punonjësit e Policisë së Burgjeve kërkoi të shkonte në tualet. Në atë moment, ai ka kundërshtuar dhe goditur efektivët, duke arritur të largohet.
Lista e 33 të burgosurve të transferuar:
- Agim Gjini – Fier
- Lulëzim Selimi – Fier
- Algert Rrapi – Peqin
- Enea Kume – Peqin
- Elvis Ndreca – Peqin
- Dhimitër Nina – Fier
- Endri Seiti – Peqin
- Aldi Zonja – Fier
- Erind Lasku – Peqin
- Artur Hoxhosmani – Fier
- Artion Çaushllari (Gjika) – Peqin
- Armando Ndreca – Fier
- Armand Marvataj – Peqin
- Astrit Avdyli (Balliu) – Fier
- Samuel Alfonso Moreno Serrano – Peqin
- Braniol Liço (Ago) – Fier
- Orges Molla – Peqin
- Dorian Beu – Fier
- Lulzim Berisha – Peqin
- Emirjan Beu – Fier
- Juxhin Koka – Peqin
- Enkeli Kërtalli – Fier
- Jose Ramos Zacarias Rodrigues Vasques – Peqin
- Skënder Sufaj – Fier
- Gëzim Thartori – Peqin
- Ismail Zeneli – Fier
- Geis Sejfullai – Peqin
- Klajdi Merkaj – Fier
- Ervin Zeqiri – Peqin
- Klevis Hoxhosmani – Fier
- Morel Kërtalli – Fier
- Maksim Ndoci – Fier
- Saimir Bilaçaj – Fier
Autoritetet kanë bërë të ditur se hetimet për arratisjen vijojnë dhe se do të ndërmerren masa të mëtejshme për të garantuar sigurinë dhe funksionimin normal të institucioneve të vuajtjes së dënimit.
