Për shkak të punimeve që po kryhen nga Autoriteti Rrugor Shqiptar për ndërtimin e mbikalimit të ri në Qafë Kashar, do të bllokohet qarkullimi në rampën e drejtimit Tiranë → Rinas.
Bllokimi do të jetë i përkohshëm dhe do të aplikohet në orarin 20:00 – 06:00, gjatë netëve 13–14 janar 2026.
Gjatë kësaj kohe, lëvizja e mjeteve drejt Aeroportit të Rinasit do të realizohet përmes akseve alternative të mëposhtme:
- Vorë – Fushë Krujë (kthesa e Rinasit)
- Rrugë dytësore lokale
- Tiranë – Kamëz – Valias – Rinas
- Aksi Kashar – Thumanë, i ndërtuar nga koncesionari
Autoritetet u bëjnë thirrje drejtuesve të mjeteve të planifikojnë udhëtimin në kohë dhe të ndjekin sinjalistikën rrugore të vendosur në terren, veçanërisht për ata që kanë fluturime gjatë orëve të natës.
