Ndërhyrjet konservuese dhe restauruese po vazhdojnë në Manastiri i Ardenicës, punime të cilat po shkojnë drejt përfundimit. Manastiri është i tipit bizantino-ortodoks, ndërsa nga Instituti Kombëtar i Trashëgimisë Kulturore bëhet me dije se punimet janë në fazën përmbyllëse të tyre. Manastiri i Ardenicës si dhe kisha e Shën Mërisë në Bishqetthëm janë në vijim dhe të tjerë objekteve monument kulture që janë përfshirë në proces restaurimi. IKTK bën me dije se këto objekte shumë shpejt do t’i kthehen komunitetit, ndërsa këto kohë ka pasur dhe inspektim në terren për të parë ecurinë e ndërhyrjeve.
“Jemi në fazën përmbyllëse të punimeve për restaurimin e Kishës së Shën Mërisë në Bishqethëm dhe Manastirit të Ardenicës-dy pasuri të çmuara të trashëgimisë sonë kulturore. U krye një inspektim në terren për të vlerësuar nga afër ecurinë e ndërhyrjeve, të cilat janë fokusuar në ruajtjen dhe mbrojtjen e vlerave historike dhe arkitekturore të këtyre monumenteve. Falë investimit në to, shumë shpejt, këto objekte do t’i rikthehen komunitetit më të bukura dhe më të mbrojtura!”, thuhet nga IKTK. Manastiri që është i tipit bizantino-ortodoks përbëhet nga Kisha e Shën Mërisë, Kapela e Shën Triadhës, konakët, mulliri i vajit, furra, stalla, etj.
