Komisionerja për Zgjerimin e Bashkimit Europian, Marta Kos, ka zhvilluar një vizitë zyrtare në Kosovo, ku është pritur nga kryeministri Albin Kurti dhe presidentja në detyrë Vjosa Osmani.
Vizita e saj vjen në një moment të rëndësishëm për raportet mes Kosovës dhe Bashkimit Europian, ndërsa në fokus të takimeve pritet të jenë procesi i integrimit europian, reformat demokratike, sundimi i ligjit dhe zhvillimet politike në vend.
Burime nga institucionet kosovare bëjnë me dije se gjatë takimeve do të diskutohet edhe për dialogun mes Kosovës dhe Serbisë, si dhe për avancimin e agjendës europiane të Prishtinës zyrtare.
Komisionerja Marta Kos pritet të zhvillojë gjithashtu takime me përfaqësues të institucioneve dhe faktorë të tjerë politikë në Kosovë.
