Profesori Lush Susaj ka komentuar protestat kundër qeverisë, duke i cilësuar ato si një zhvillim të rëndësishëm për shoqërinë shqiptare dhe si shprehje të një faze të re të ndërgjegjësimit qytetar.
Duke folur nga protesta, Susaj tha se kjo lëvizje ndryshon nga tubimet e mëparshme dhe se pasqyron, sipas tij, një kërkesë më të gjerë për ndryshim politik dhe shoqëror.
Ai kritikoi ata që, sipas tij, përpiqen të pengojnë protestën, ndërsa kërkoi që Shqipëria të kalojë drejt një pluralizmi real dhe një demokracie funksionale.
“Duhet që shoqëria të kalojë në pluralizëm real dhe demokraci. Përndryshe, nuk do të kemi një mjedis shoqëror dhe politik të qëndrueshëm”, deklaroi Susaj.
Profesori e përshkroi protestën si një moment bashkimi mes qytetarëve, duke theksuar se ajo nuk duhet parë vetëm si përballje politike, por edhe si përpjekje për forcimin e pjesëmarrjes qytetare.
“Këtë protestë e shoh si bashkim kombëtar”, u shpreh ai.
