Kreu i PD-së Sali Berisha ka komentuar listat e kandidatëve të Partisë Demokratike për deputetë në zgjedhjet e 11 Majit.
Berisha tha se me listën ka mbrojtur plotësisht bashkimin e PD-së dhe se mbrojtën fibrën politike të partisë.
“Është e vërtetë që mbrojtje i është dhënë fibrës politike të partisë, fibrës politike, duke ruajtur plotësisht bashkimin në diversitet siç e shpallëm, lista e hapur e kryetarëve të qarqeve është 100% e ekuilibruar, por këta nuk janë aty pse erdhën dhe u bashkuan, por se janë me eksperiencë të çmuar elektorale, fushata do organizatorë sidomos ky sistem bizar, u zgjodhën si fibër politike, ka qenë e qëllimshme, nëse i krahason këta nuk gjen në listë Lubi Ballukun. Krahaso Spiropalin 5 milionëshe, apo Spirogjokën me Jozefina Topallin, nuk gjen Taulant Ballë. S’kam mundur me gjet asgjë nga ata, po të kalojmë tek lista e hapur ka të rinj, eksponentë, politikanë dhe besoj se është dinjitoze, janë emra personalitetesh të shquar, emra të rinjsh brilante”, tha Berisha në Top Story.
