Ndërsa konflikti me Iranin hyn në muajin e dytë, Komisioni Evropian po paralajmëron për një krizë të mundshme energjetike dhe u bën thirrje qytetarëve të Bashkimi Europian të reduktojnë konsumin.
Autoritetet evropiane sugjerojnë masa konkrete si përdorimi më i madh i transportit publik, kufizimi i udhëtimeve ajrore, puna nga shtëpia dhe kursimi i karburantit, për të përballuar situatën.
Sipas zyrtarëve, rritja e çmimeve të energjisë ka qenë e menjëhershme, me naftën dhe gazin që janë shtrenjtuar ndjeshëm pas përshkallëzimit të konfliktit dhe bllokimit të Ngushtica e Hormuzit, një arterie kyçe për furnizimin global me energji.
Ekspertët paralajmërojnë se ndikimi mund të jetë i krahasueshëm me krizën e pandemisë apo fillimin e luftës në Ukrainë, duke rritur inflacionin, çmimet e ushqimeve dhe duke goditur industrinë.
Gjithashtu, konkurrenca me tregjet aziatike për furnizime me gaz natyror të lëngshëm po shtohet, ndërsa disa ngarkesa tashmë janë devijuar nga Evropa drejt Azisë.
Megjithëse BE ka diversifikuar furnizimet duke u mbështetur më shumë te SHBA dhe Norvegjia, ekspertët theksojnë se rreziku i mungesave mbetet real nëse konflikti vazhdon.
Në këtë situatë, analistët sugjerojnë që blloku të përshpejtojë investimet në energjinë e rinovueshme dhe elektrifikimin, duke e parë krizën si një mundësi për të reduktuar varësinë nga lëndët djegëse fosile dhe për të rritur qëndrueshmërinë energjetike në afatgjatë.
