Në gjykatën e Apelit të Përgjithshëm po mbahet seanca për ndryshimin e masës së sigurisë për Mario Përlleshajn, i arrestuar si autor i vrasjes së Martin Canit mesditën e 18 Nëntorit në Tiranë. Avokati i të miturit ka kërkuar masë më të lehtë sigurie se ajo e arrestit në burg me argumentin se klienti i tij ka kryer vrasjen në kushtet e vetëmbrojtjes.
Ngjarja e rëndë u regjistrua më 18 nëntor rreth 300 metra larg shkollës “Fan Noli” në kryeqytet, ku pas një konflikti mes disa adoleshentëve mbeti i vrarë 14-vjeçari Martin Cani dhe u plagosën dy bashkëmoshatar, njëri prej të cilëve autori i ngjarjes, Mario Përlleshi.
