Deputeti i Partisë Demokratike, Dashnor Sula i ftuar në News 24, ka folur në lidhje me situatën e tensionuar në Parlament.
Në lidhje me Aministinë Penale, Sula u shpreh se qeveria i kërkon opozitës ta votojë, ndërkohë që e ka dhunuar atë.
Sa i takon nenit 5, për të cilin pretendohet se përfitojnë zyrtarët e dënuar për korrupsion, Sula tha se për sa kohë dënohet vrasës dhe përdhënues , nuk përben sens që të përjashtohe të dënuarit për korrupsion, vepër e një rrezikshmërie më të ulët.
“Situata në Parlament, jemi të detyruar nga rrethanat. Apeloj që mazhoranca është e para që të kthejë normalitetin. Duke pasur parasysh arsyen pse kemi shkuar deri në këtë pikë.
Edhe në rastin e Amnistisë, moment i volitshëm që palët të kishin një qasje ndryshme. Demokracia është pjesëmarrje. Pa pjesëmarrje ka autokraci.
Marrim shembull për votat për Amnistinë. Kërkojnë ta votojmë pasi na rrahin, na dhunojnë, na përdhunojnë.
Përsa i përket nenit 5 të Amnistisë Penale, kur fal vrasës e përdhunues, nuk ka sens të përjashtohen veprat e korrupsionit.
Unë e dua amnistinë. Do quhem tradhtar? Të gjitha palët duhet të diskutonin dhe të kishim një produkt të plotë e të bashkërenduar në fund.
Parimisht duhet bërë Amnistia. Apeli im parë është për zotin Rama. Unë kam qasje të ndryshme tashmë me Berishën por nuk harroj debatin për zgjedhjet vendore të 2007 për elementët e sigurisë të certifikate, që Berisha tha i takon mazhorancës të krijojë kushtet që opozita të jetë e barabartë me ne në zgjedhje”, tha ai.
Sula foli edhe në lidhje me marrëveshjen Rama-Meloni për emigrantët dhe faktin marrëveshja Ram – Meloni kaloi në seancën e djeshme me ndihmën e votave të PDIU.
“Është si puna e asaj: mbaron bakllavanë e mazhorancës pastaj kalon tek kadaifi i opozitës”, tha ai.
