Keir Starmer zhvilloi një takim me ministrat e kabinetit në studion e tij parlamentare, ku dha mesazhe të forta për unitet dhe shmangie të përplasjeve të brendshme në qeveri dhe parti.
Sipas Sky News, Starmer u bëri thirrje ministrave që të mos lejojnë krijimin e një klime destabilizuese brenda Partia Laburiste dhe të shmangin çdo veprim që mund ta “zhysë partinë në kaos”.
Takimi vjen në një moment tensionesh politike në Londër, pas raportimeve se aleatë të Wes Streeting kanë lënë të kuptohet se ai mund të japë dorëheqjen për të nisur një sfidë për lidershipin ndaj Starmer.
Megjithatë, Downing Street u përpoq të minimizojë spekulimet, duke deklaruar se kryeministri ka “besim të plotë” te Streeting.
Zhvillimet po ndiqen me interes në politikën britanike, pasi çdo përçarje e mundshme brenda laburistëve mund të ndikojë në stabilitetin e qeverisë dhe në balancat e brendshme të partisë në muajt e ardhshëm.
