Ministria e Inteligjencës e Iranit njoftoi se janë arrestuar 30 persona të dyshuar për spiunazh, mes tyre edhe një shtetas i huaj, ndërsa konflikti në Lindjen e Mesme hyn në ditën e 11-të.
Sipas një deklarate të publikuar nga portali i lajmeve i gjyqësorit iranian, Mizan Online, shtetasi i huaj u arrestua në verilindje të Iranit. Autoritetet nuk kanë bërë të ditur identitetin apo kombësinë e tij.
Sipas autoriteteve iraniane, personi dyshohet se po kryente aktivitet spiunazhi në emër të dy vendeve të Gjirit Persik.
Ministria bëri të ditur se i dyshuari akuzohet për transmetimin e informacioneve tek “armiku”, përfshirë të dhëna mbi vendndodhjen dhe lëvizjet e forcave të policisë dhe ushtrisë, si dhe mbi instalime të ndryshme ushtarake.
Autoritetet iraniane nuk kanë dhënë detaje të mëtejshme lidhur me kohën kur janë kryer arrestimet apo identitetin e personave të ndaluar.
