Një person është gjetur pa shenja jete mëngjesin e sotëm në zonën e Lungomares në Vlorë.
Sipas informacioneve paraprake, viktima është një 89-vjeçar, i identifikuar si Shezai Hoxha, i cili është gjetur buzë detit. Mësohet se i moshuari vuante nga skleroza, ndërsa dyshohet se ka humbur jetën si pasojë e mbytjes në ujë.
Policia bën me dije se ngjarja është konstatuar rreth orës 07:00, ndërsa viktima ishte banues në fshatin Dushkarak.
“Sot, rreth orës 07:00, në zonën e Lungomares, dyshohet se është mbytur në det shtetasi Sh. H., 89 vjeç”, njofton policia.
Në vendngjarje ndodhet grupi hetimor, i cili po vijon punën për sqarimin e plotë të rrethanave të këtij rasti.
