Alarmi ka përfshirë Danimarkën pas raportimeve për dronë të dyshimtë mbi hapësirën ajrore të Kopenhagenit, duke detyruar autoritetet të mbyllin përkohësisht aeroportin kryesor të vendit. Fluturimet u devijuan menjëherë drejt aeroporteve të tjerë për arsye sigurie, ndërsa pasagjerët mbetën në pritje në terminale.
Autoritetet daneze njoftuan se prania e dronëve mbi zonën e kontrolluar përbën rrezik të madh për sigurinë e trafikut ajror. Një operacion i gjerë sigurie u ndërmor menjëherë, ku forcat policore dhe ekipet speciale po punojnë për identifikimin e autorëve të incidentit. Ndërkohë, aviacioni civil tha se rikthimi i normalitetit do të bëhet vetëm pasi të garantohet 100% siguria e hapësirës ajrore.
Ngjarja ka shkaktuar shqetësim edhe për pasojat e mundshme në nivel ndërkombëtar, pasi aeroporti i Kopenhagenit është një nga nyjet më të rëndësishme të transportit në Evropën Veriore. Hetimet vijojnë, ndërsa autoritetet nuk përjashtojnë asnjë pistë, përfshirë edhe mundësinë e një akti të qëllimshëm.
