Analisti Genc Burimi deklaroi se kryeministri Edi Rama mund të detyrohet të largohet nga posti përpara zgjedhjeve të 11 majit.
Në një intervistë televizive, Burimi argumentoi se zhvillimet e fundit me hetimet ndaj zyrtarëve të lartë dhe ndërlidhjet ndërkombëtare mund ta vendosin Ramën në një pozitë të vështirë. Ai theksoi se lidhjet e afërta të kryeministrit me fondacionin Soros dhe zhvillimet në SHBA, ku pritet një rikthim i mundshëm i Donald Trump në pushtet, mund të sjellin pasoja për qeverinë shqiptare.
“Rama sot është në kampin e të humburve. Ai ka përdorur reformën në drejtësi si një mjet politik për të dobësuar opozitën, por situata po i kthehet mbrapsht. Nëse Trump rikthehet, ai është i vendosur t’i nxjerrë ujin e zi Sorosit dhe Rama mund të jetë një ndër figurat që do të bëhet kurban,” deklaroi Burimi.
