Kreu i Partisë Demokratike, Sali Berisha, deklaroi se sipas opozitës, Belinda Balluku de facto nuk gëzon më imunitet parlamentar. Ai tha se mbledhja e Këshillit të Mandateve me pesë anëtarët demokratë është e ligjshme, pasi plotësohet kuorumi, dhe se vendimet e marra janë të vlefshme.
Berisha akuzoi kryeministrin se po pengon arrestimin e Ballukut dhe paralajmëroi se opozita do të vijojë aksionin e saj si në rrugë ligjore, ashtu edhe përmes protestave. Ai u bëri thirrje qytetarëve dhe demokratëve të dalin çdo ditë në protesta, duke theksuar se ndryshimi vjen nga guximi dhe angazhimi qytetar.
