Bylykbashi: Tre deputetët kryesorë të PS në Durrës, dhanë dorëheqje para se SPAK të fillojë hetimet

Nënkryetari i PD-së, Oerd Bylykbashi në një postim në Facebook, shkruan se që nga fillimi i këtij mandati parlamentar në 2021, tre deputetë të PS-së “të votuar” me shumë “vota preferenciale” në Durrës, kanë dhënë dorëheqje pak para se prokuroria të fillojë hetimet.

“Që nga fillimi i këtij mandati parlamentar në 2021, tre deputetë të PS-së “të votuar” me shumë “vota preferenciale”, kanë dhënë dorëheqje pak para se prokuroria të fillojë hetimet, ose gati 40% e listës së PS në qarkun e Durrësit. Vota preferenciale e zgjedhësve apo e krimit? Të gjithë e dinë që në Durrës, por jo vetëm aty, Rama ka përdorur Kodin Penal dhe jo Kodin Zgjedhor për të hartuar listën e deputetëve”, –shprehet ai.

Postimi:

Lista e hapur apo lista e shqyer e PS?

Që nga fillimi i këtij mandati parlamentar në 2021, tre deputetë të PS-së “të votuar” me shumë “vota preferenciale”, kanë dhënë dorëheqje pak para se prokuroria të fillojë hetimet, ose gati 40% e listës së PS në qarkun e Durrësit. Vota preferenciale e zgjedhësve apo e krimit?