Një incident është regjistruar kur një qytetar është përplasur me protestuesit që bllokuan rrugën në orën 11:00. Qytetarët janë përplasur me protestuesit gjatë tubimit të opozitës para Bashkisë Tiranë, pasi këta të fundit bllokuan qarkullimin e automjeteve. Një nga qytetarët ka zbritur nga urbani duke u konfliktuar me protestuesit, ndërsa ka ndërhyrë policia.
Më pas në debat janë përfshirë edhe qytetarë të tjerë në autobus duke kërkuar lirimin e rrugës. Ndërkohë sipas protestuesve policia, edhe pse është lajmëruar për tubimin, nuk ka marrë masa për devijimin e trafikut.
