Kryetari i Partisë Demokratike, Sali Berisha, ka vijuar akuzat ndaj kryeministrit Edi Rama gjatë mbledhjes së grupit parlamentar të opozitës, duke e akuzuar se po pengon rrugën e integrimit të Shqipërisë në Bashkimin Europian.
Berisha deklaroi se çështja që lidhet me Belinda Ballukun dhe debatet për kërkesën e SPAK për arrestimin e saj janë pjesë e një krize më të gjerë politike dhe institucionale.
Sipas tij, Balluku është një nga bashkëpunëtoret më të afërta të kryeministrit dhe se vendimet që po merren në Kuvend kanë si qëllim mbrojtjen e qeverisë nga drejtësia.
Kreu i opozitës theksoi se situata politike në vend është kritike dhe se veprime të tilla mund të ndikojnë negativisht në procesin e integrimit europian të Shqipërisë.
Berisha shtoi gjithashtu se përgjegjësia për zhvillimet politike në vend i takon edhe qytetarëve, duke i bërë thirrje për reagim dhe pjesëmarrje në protestat e paralajmëruara nga opozita.
