Është identifikuar 37-vjeçari që u paraqit pas mesnatës në spitalin e Beratit i plagosur me armë zjarri. Bëhet fjalë për Fabjel Toska, i njohur edhe me mbiemrin Xhindi, banues në Berat.
Sipas njoftimit zyrtar, i riu mbërriti në spital rreth orës 00:55 me plagë të shkaktuara nga armë zjarri, ndërsa deri tani nuk ka asnjë informacion mbi mënyrën dhe vendin se si është qëlluar.
Burime mjekësore bëjnë me dije se 37-vjeçari ndodhet jashtë rrezikut për jetën, ndërsa është marrë në pyetje nga autoritetet, por rrethanat e plagosjes vijojnë të mbeten të paqarta.
Menjëherë pas marrjes së informacionit, policia ngriti grupin hetimor, i cili po punon nën drejtimin e Prokurorisë për:
- zbardhjen e plotë të ngjarjes,
- përcaktimin e motivit,
- identifikimin dhe kapjen e autorëve.
Ngjarja ka ndodhur në hyrje të qytetit të Beratit, por ende nuk është përcaktuar nëse ka qenë atentat, konflikt i çastit apo plagosje aksidentale.
Hetimet vijojnë me intensitet.
