Pas kritikave të ashpra të Presidentit amerikan Donald Trump ndaj udhëheqësit të Ukrainës të mërkurën, ky i fundit tha se po përgatitej për një takim të enjten me të dërguarin e zotit Trump në Kiev, për të punuar drejt “një paqeje të qëndrueshme” me Rusinë.
“Për ne është thelbësore që takimi dhe bashkëpunimi ynë në përgjithësi me Shtetet e Bashkuara të jetë konstruktiv”, tha zoti Zelenskyy në fjalimin e mbrëmjes drejtuar kombit.
“Së bashku me Shtetet e Bashkuara dhe Evropën, paqja mund të jetë më e sigurt dhe ky është qëllimi ynë”, shtoi ai më tej.
