Ministri i Sigurisë së Bosnjë-Hercegovinës, Nenad Nesiç u arrestua ditën e sotme së bashku me gjashtë të tjerë me akuza për krim të organizuar, duke përfshirë pastrim parash, shpërdorim detyre dhe pranim ryshfeti (korrupsion), tha zyra e prokurorit të shtetit në një deklaratë.
Prokurori i shtetit dhe Ministria e Brendshme e Republikës Serbe të Bosnjës (RS) kanë hetuar korrupsionin e dyshuar në kompaninë publike Roads of RS, ku Nesic ishte menaxher i përgjithshëm nga 2016-2020.
Menaxheri aktual i përgjithshëm i kompanisë Milan Dakiç u arrestua gjithashtu, si dhe Mladen Luciç, vëllai i një ish-ministri.
Askush nga kompania nuk ishte menjëherë i disponueshëm për të komentuar. Nesiç, Dakiç dhe Luciç nuk mund të kontaktohen për koment.
Prokuroria nuk dha emrat e katër të tjerëve të arrestuar.
