Armatosja e Serbisë, një apel dramatik qarkullon në mediat kroate: Ballkani kërcënohet me një luftë të re

Të inkurajuar nga ngjarjet e fundit në Ballkanin Perëndimor, anëtarët e Qendrës Ndërkombëtare PEN, shkrimtarë nga ish-Jugosllavia, i dërguan publikut një thirrje, të cilën e kanë transmetuar të gjitha mediat kroate.  “Ne, anëtarët e Qendrës Ndërkombëtare PEN, shkrimtarë nga territori i ish-Jugosllavisë, paralajmërojmë publikun botëror për rrezikun e dukshëm dhe të menjëhershëm të konflikteve të luftës në Ballkanin Perëndimor”, tghuhet në deklaratë, duke theksuar se narrativat agresive të nacionalistëve serbë, të mbështetur nga regjimi në Beograd dhe një pjesë e klerit të PSC-së, kanë destabilizuar rajonin për vite me radhë, kryesisht Bosnjë-Hercegovinën, Malin e Zi dhe Kosovën. Me fillimin e pushtimit rus të Ukrainës, retorika agresive e Serbisë së Madhe po bëhet më e fortë në të gjithë territorin e dikurshëm të ish-Jugosllavisë. “Regjimi në Beograd dhe ai në Banja Luka, entiteti Republika Srpska në Bosnjë dhe Hercegovinë, nuk e fshehin simpatinë e tyre për orekset imperialiste të Rusisë, as nuk e vlerësojnë mbështetjen e regjimit në Kremlin”, thuhet po ashtu në deklaratë. Në shtator të vitit 2023, pati një përshkallëzim të armatosur me një sulm terrorist në Banjska të Kosovës dhe me afrimin e votimit për rezolutën e OKB-së për gjenocidin e Srebrenicës, kërcënimet e Milorad Dodik për t’u shkëputur nga Republika Srpska po bëhen më të forta dhe nuk duhen nënvlerësuar. Sipas tyre, pranimi i pritur i Kosovës në KiE është një tjetër pikë kritike sepse regjimi i Aleksandër Vuçiçit nuk tregon gatishmëri për bashkëpunim, paqe dhe kompromis. “Të shqetësuar kërkojmë bashkëpunim dhe paqe”, thuhet në deklaratën e nënshkruar nga dhjetëra shkrimtarë.m