Një aksident i rëndë ka ndodhur në orët e para të mëngjesit të ditës së sotme (20 gusht) në në aksin rrugor “Shëngjin-Lezhë”.
Një mjet ka dalë nga rruga dhe është përplasur me një shtyllë, për pasojë ka ndërruar jetë drejtuesi 30-vjeçar.
Nga aksidenti ka mbetur i lënduar një pasagjer, i cili është transportuar drejt Traumës dhe ndodhet në gjendje të rëndë shëndetësore.
Njoftimi i policisë:
Rreth orës 04:00, në aksin rrugor “Shëngjin-Lezhë”, shtetasi Gj. V., 30 vjeç, dyshohet se ka humbur kontrollin mbi drejtimin e automjetit dhe si pasojë automjeti është përplasur me një shtyllë në anë të rrugës.
Nga përplasja ka humbur jetën 30-vjeçari dhe është dëmtuar pasagjeri në këtë automjet, shtetasi A. V., i cili është transportuar në Spitalin e Traumës dhe aktualisht është në gjendje të rëndë shëndetësore.
Grupi hetimor po punon për sqarimin e rrethanave të aksidentit.
